બોહરના પરમાણુ મોડેલની મર્યાદાઓ સમજાવો.

(N/A) $(1)$ બોહર મોડેલ ફક્ત હાઇડ્રોજન જેવા પરમાણુઓ (hydrogenic atoms) માટે જ લાગુ પડે છે. તેને હિલિયમ જેવા સાદા બે-ઇલેક્ટ્રોન ધરાવતા પરમાણુઓ માટે પણ વિસ્તૃત કરી શકાતું નથી.
- એક કરતા વધુ ઇલેક્ટ્રોન ધરાવતા પરમાણુઓનું વિશ્લેષણ હાઇડ્રોજન જેવા પરમાણુઓ માટેના બોહરના મોડેલના આધારે કરવાનો પ્રયાસ કરવામાં આવ્યો હતો,પરંતુ તેમાં કોઈ સફળતા મળી ન હતી.
- મુશ્કેલી એ હકીકતમાં રહેલી છે કે દરેક ઇલેક્ટ્રોન માત્ર ધન વીજભારિત ન્યુક્લિયસ સાથે જ નહીં,પરંતુ અન્ય તમામ ઇલેક્ટ્રોન સાથે પણ આંતરક્રિયા કરે છે.
- બોહર મોડેલના સૂત્રીકરણમાં ધન વીજભારિત ન્યુક્લિયસ અને ઇલેક્ટ્રોન વચ્ચેના વિદ્યુત બળનો સમાવેશ થાય છે. તેમાં ઇલેક્ટ્રોન વચ્ચેના વિદ્યુત બળનો સમાવેશ થતો નથી,જે બહુ-ઇલેક્ટ્રોન પરમાણુઓમાં અનિવાર્યપણે જોવા મળે છે.
$(2)$ જોકે બોહરનું મોડેલ હાઇડ્રોજન જેવા પરમાણુઓ દ્વારા ઉત્સર્જિત પ્રકાશની આવૃત્તિઓની સાચી આગાહી કરે છે,પરંતુ તે વર્ણપટમાં આવૃત્તિઓની સાપેક્ષ તીવ્રતા સમજાવવામાં અસમર્થ છે.
- હાઇડ્રોજનના ઉત્સર્જન વર્ણપટમાં,કેટલીક દ્રશ્યમાન આવૃત્તિઓની તીવ્રતા ઓછી હોય છે જ્યારે અન્યની તીવ્રતા વધુ હોય છે. શા માટે?
- પ્રાયોગિક અવલોકનો દર્શાવે છે કે કેટલાક સંક્રમણો અન્ય કરતા વધુ પસંદગીના હોય છે.
- બોહરનું મોડેલ આ તીવ્રતાના તફાવતોને સમજાવવામાં અસમર્થ છે.
- આ મોડેલ જટિલ પરમાણુઓ માટે લાગુ કરી શકાતું નથી. જટિલ પરમાણુઓ માટે આપણે ક્વોન્ટમ મિકેનિક્સ પર આધારિત નવી થિયરીનો ઉપયોગ કરવો પડે છે.